La poesia del martedì

 

La giòstra di Roberto Pontoni Cun e’ surìṡ e ’na faza ch’ sugnēva da i sôn e dal luṡ u s lasēva tirê’, e in cal nöt e’ babèn u s pirdēva e int un mónd divērs u s lasēva purtê’. In sëla a un caval biânc e’ curēva, l’arvēva al braza coma par vulê’ e a ócc asrē u s abandunēva a cl’ëria ch’ l’a l parēva carizê’. Una machìna, un treno, un landó, ognô l’avēva ’na störia da cuntê’ a cagl’j ómbar in pì, fērmi a gvardê’. Cla muṡica dôlza l’a n s sintēva pió, e’ babèn l’arstēva fērum a ’spitê’, cun do munēd in mân, pr’arturnê’ a sugnê’.   La giostra Con il sorriso e un’espressione sognante si lasciava attirare dai suoni e dalle luci, e in quelle note il bimbo si perdeva e in un mondo diverso si lasciava portare. Correva in sella a un cavallo bianco, apriva le braccia come per prendere il volo e ad occhi chiusi si abbandonava a quell’aria che sembrava accarezzarlo. Un’auto, un treno, una carrozza, ognuno con una storia da raccontare a quelle ombre in piedi, ferme a guardare. Quella musica dolce non si sentiva più, ma il bimbo se ne stava immobile ad aspettare, con due monete in mano per ritornare a sognare. Roberto Pontoni

Stampa questo articolo